Dänel, Pistenfahrzeug-Fahrer, Teamchef Metsch (Winter)
„Es eimaligs Bärgerläbnis hie ar Lenk isch natürlich ds Älplerfescht! U dennd für ds Erholä am Sunntig chli z Bärg – a Metsch ga d Ussicht gniessä.“
Zum Facebookiitrag mit witerä Föteli
Wir zeigen Ihnen unsere Schätze
#misbärgerläbnis – hier finden Sie verschiedene Tipps der Mitarbeitenden:
Lars, Lernender Seilbahnmechatroniker
„Ob ds Fuess oder mitum Bike, dRouta vom Metschstand via Spichersee-Bühlberg-Metsch, bietet di perfekti Abwächslig. Vor allum ufum Bike chamus so jusch gniesse uh la fätze…“
Zum Facebookiitrag mit witerä Föteli
Roland, Mitarbeiter Stand-Xpress
„D‘Wanderig vom Metschstand zum Laubbärgli bietet es wunderbars Panorama. Oh wenn i fascht lieber no meh ir Höchi obä bi, gniesseni diä Wanderig mit viel Abwächslig immer sehr.“
Zum Facebookiitrag mit witerä Föteli
Chantal, Mitarbeiterin Marketing und Verkauf
„Dr Wanderwäg vom Rinderbärg uf ds Leiterli, verbi a dä Wildhöihäng, bietet ä atemberoubendi Ussicht uf diä verschiedene Täler u ufe schönscht Talabschluss vo dä Alpä.“
Zum Facebookiitrag mit witerä Föteli
Beat, Weg- und Spielplatzunterhalt
„Dä isch einzigartig, dä Gryde-Rundwäg! D‘Landschaft mit dänä Krater – scho grad wie ufm Mond! Ussert dass es ufm Mond allwä weniger Murmlä het!“
Zum Facebookiitrag mit witerä Föteli
Thomas, Mitarbeiter Gondelbahn Betelberg
„D‘ Erläbnisgondlä si scho ächt cool, grad wie hüt we ds Wätter nit ganz mitspielt – ir Gondlä inä isches ja trochä. Vorallem mit mine Chind machts Spass!“
Zum Facebookiitrag mit witerä Föteli
Andreas, Elektroinstallateur Seilbahnen
„S het mal öpper gseit, dr Summerwald segi eine vo de flowigschtä Trails ar Länk. Und das isch definitiv eso. Er isch weder z’aspruchsvoll no z wenig aspruchsvoll – genau richtig halt. Mit dr Gondlä ufs Leiterli, richtig Steistoss, Aebi und los geits i Summerwald!“
Zum Facebookiitrag mit witerä Föteli
Walter, Mitarbeiter Bärgstation Leiterli
„Dr AlpRundwäg gfallt mir super will me immer wieder e neui Ussicht het. Perfekt für e gmüetlichä Spaziergang – do blibt eim beschtens Zit zum Verwilä und zum d Landschaft bestuunä.“
Zum Facebookiitrag mit witerä Föteli
Daniela, Mitarbeiterin Bärgstation Leiterli,
mit Adi
„Mier si endr di gmüetligä Wanderer u dr Wäg vom Metschstand a Spychersee isch ned streng u isch liächt erreichbar. Zudem si d Sunnäundergäng i de Brenggämeder ungluublig schön.“
Zum Facebookiitrag mit witerä Föteli
Markus, Mitarbeiter Stand-Xpress, Metsch
„D Wanderig vom Metschstand über z Aeugi isch ging es High-Light für mi! Bsundersch de der fantastisch Rundumblick uf em Ammertespitz!“
Zum Facebookiitrag mit witerä Föteli
Aschi, Stv. Technischer Leiter
„Da ig total uf Gschwindikeit staa, sigs Schifahre, Töff uno viel meh isch Mountain Cart wie gmacht für mig. Dr Hoger abe rausche, chli um Kurve drifte u nach dr Fahrt nomal zoberscht ufe uf dr Terasse öpis chüels ga trinke. Mountain Cart isch eifach geil!“
Zum Facebookiitrag mit witerä Föteli
Reto, Patrouilleur Metsch (Winter):
„Hammer Ussicht und erfrüschends Bade – e sehr lohnenswerti Rundwanderig vor Bärgstation Leiterli ids Iffigä!“
Emanuel, Mitarbeiter Bärgstation Metschstand:
„Uf dr Wanderig vor Mittelstation Metsch via Nessli, Bummere, Bummerepass/Wallislegi zum Metschstand isch für mi ds Panorama immer vo neuem atemberoubend. I de Bummere gspürt me d Nehi zu de Bärge extrem!“
Zum Facebookiitrag mit witerä Föteli
Stephan, Mitarbeiter Bergstation Leiterli:
„Immer ä spannends Erläbnis! Und es isch so schön zum gseh wie s Rätsle verschiedenstä Gäscht Freud macht. Dr Rundwäg sälber isch scho e Augeweid, zäme mit em Rätsle isch das sicher ä blibends Erläbnis.“
Zum Facebookiitrag mit witerä Föteli
Lena, Mitarbeiterin Büro/Verkauf:
„Eifach so z Fuess e anders Tal erreichä, das het mi schono beidruckt uf dr Rundwanderig vom Leiterli id Lauene! Denn no die abwächsligsrichi Ussicht und die blüehende Alpäblueme, unglaublich! Und nach dr molerische Zruggfahrt im Zug durchs Saaneland hani mi grad chönne erholä.“
Zum Facebookiitrag mit witerä Föteli
Miranda, Kassenchefin:
„Eis vo minä Highlights ischs Trottinettlä. Es macht mi eifach glücklich uf die liechti Art und Wiis dä Bärg achi z fresä. Mängisch muessi de glich mal ahalte für d Umgäbig z gniessä.“
Zum Facebookiitrag mit witerä Föteli
Verpasse nicht den nächsten Beitrag – folge #misbärgerläbnis auf instagram!
#misbärgerläbnis